Tailerra

Gure lanaren bitartez Zeramikarekiko dugun grina helarazi nahi dugu. Gure obretan gresa da materialik erabiliena, bere plastikotasuna eta ehundura direla eta, nahiz eta batzuetan burdina, ohola, edo beste pasta zeramikoak ere erabiltzen ditugun.

    

Gure pieza guztiak Artisau-lanak eta Bakarrak dira, gure nortasuna mantenduz eta betiere berrikuntzaren bila. Pieza horiek eskuz landu dira gres erregogorra erabiliz eta termikoki 1260 ºC-tan tratatuz, guk geuk landutako artisau-esmalteekin, etengabeko ikerketa prozesu bat jarraituz.

Gure Herriko kirolak, folkloreak, mitologiak, ohiturak eta tradizioak gure lanaren zati handi baten inspirazio-iturri dira.

Beste lan-lerro bat garaikurren, enpresa-oparien eta erakunde-oparien sortzea da. Kasu horretan azpimarragarria da artisau-lana eta bakarra izanik, ez dela beharrezkoa pieza-kopuru minimo bat eskatzea.

Ezkutu heraldikoak, errotuluak eta muralak egiten ditugu. Horiek barrualdekoak zein kanpoaldekoak izan daitezke, termikoki 1260ºC-ra tratatu baitira.

Gure tailerrean pieza-mota ugari aurkituko dituzue eta horri esker zuen opariak Bakarrak eta Bereziak izango dira, prezio-sorta zabal-zabala izanik.

Bakarra eta neurrira egindako zerbaiten atzetik bazabiltza, eman iezaguzu zure ideia eta guk diseinatu egingo dugu zuretzat.

Aurrekontuak inongo konpromisorik gabe egiten ditugu.